Talaaq hone ke maamle badhte jaa rahe hain. Jab Nikah jaisi itni badi Sunnat aur Allah ka itne behtreen hukm per amal kar rahe hain, jis se insaan ka imaan mukammal hone ki baat kahi gayi hai, aur jab yehi badi sunnat pe amal karte waqt itne jahalat wale rasm karenge to kyun ghar barbad nahi honge?
Kyon shouhar aur biwi me jhagda nahi hoga? Kyon baat talaq tak nahi jaayegi?
Jab tum apne Nikah me Allah ki na farmani karoge to kis tarah Allah ki Rahmatein utrengi us jode pe jo haram tarike se nikah kiya hoga.
Allah ke liye in kufr wale rasmo ko chhod do, Nikah aasan karo, Quran aur Hadees ke Bataye Huwe Tariqe Se karo.
Fir dekho zindagi kitni khubsurati se guzregi. Kyun ki Allah tumhare Nikah se razi hoga, aur jab Allah ki nafarmani aur Allah ke mana kiye Jane wale kaamo se nikah karenge to barbad hona mukaddar hai. Agar Bhool Kar Na Jane Me kiye bhi honge to Allah se maafi maango, Allah hi sab se bada maaf karne wala Rab hai. Allah hum sabko sirat'al mustaqeem per chalne wala banaye,Aameen
Wo Kam Jo Islam Me Shamil Kiye Gaye Hain,jiska Islam Me Koi Na Muqam Hai Na Hi Uska Wujood Tha.
Haldi Ki Rasam:
Ye Ek Behuda Fuzool Rasm Hai.
Jiska Islam Se Koi Talluq Nahi Hai.
Is Rasam Se Koi Khas Fayeda Toh Nahi, Per Han Is Me Behayai Zaroor Hogi.
Is Se Bachen Or Dusron Ko Bhi Bachaen.
Sangeet:
Ye Wo Haram Kam Hai Jis Ke Karne Se Allah Naraz Or Shaitan Khushi Se Jhoomta Hai.
Ye Bhi Aj Kal Ek Fashion Ban Gaya Hai, Nikah Me Nach Gana Aam Karna.
Jis Se Behayai Ho Rahi Hai Or Allah Ki Nafarmani Ho Rahi Hai.
Iske Zimhedar Sab Se Pahle Maa Baap Or Sarparast Hain.
Is se Bachen Or Dusron Ko Bhi Bachaen.
Allah Ki Pakad Badi Mazboot Hai.
Allah Ki Pakad Me Aane Se Pahle Tauba Karen.
Mahendi:
Mahendi Ke Name Per Shadi Ke Waqt Gharon Me Badi Bepardagi Ho Rahi Hai.
Naujawan Ladkiyun Ka Jama Hona.
Gair Mardon Ke Samne Apne Husn Ki Numaish Karna.
Unchi Awazon Se Hansna Or Nach Gana Karna.
Agar Tum Ye Sab Kar Ke Apne Ladke Or Ladki Ki Shadi Karenge Toh Zahir Hai Ghar Abad Nahi Barbad Honge.
Aise Kam Jis Me Allah Ki Naragzi Ho Wo Kaise Theek Se Ho Sakta Hai.
Ise Roken, Iski Zimhedari Sab Se Pahle Maa Baap Or Sarparaston Ki Hai.
Ye Gunah Ke Barabar Haqdar Maa Baap Or Sarparast Bhi Hai, Jo Ikhtiyar Rakh Kar Bhi Use Nahi Rokte.
Joota Chupai Ki Rasam:
Ye Bhi Ek Naya Fitna Chal Raha Hai Humare Mu'ashire Me.
Ek Ladki Ko Behayai Ki Taraf Le Jaya Ja Raha Hai.
Uski Bahen Ke Shauhar Ke Samne Use Bila Zaroorat Nikala Ja Raha Hai Or Behuda Rasam Ke Nam Per Us Se Be Pardagi Karwayi Ja Rahi Hai.
Iske Zimhedar Maa Baap Hai.
Kiyun Ke Maa Bap Cha Kar Is Cheez Ko Rok Sakte Hain.
Yahi Ladki Aj Apni Bahen Ke Shauhar Ka Joota Chupaegi.
Or Phir Kal Wahi Bahen Ke Shauhar Ke Sath Hans Hans Kar Baten Karte Rahegi.
Kal Yahi Wajha Uski Bahen Ki Talaq Ki Banegi.
Toh Hum Sab Ko Chahiye Ke In Sab Ko Khatm karen Humare Gharon Se.
Is Per Amal Karen.
Or Dusron Ko Bhi Taufeeq Den.
Agar Apku Pata Hai Kisi Ke Ghar Shadi Hone Wali Hai, Toh Shadi se Pahle Unhe Ye Tahreer Zaroor Padhaen.
Jazakallah Khair